گرنگی و ئامادەكاری بۆ ستایلەكانی قژ، بەشێكی گرنگە لەجوانی و ئەركەكانی خانمان، لەوەی چۆن بتوانن خزمەتی قژیان بكەن و لەنزیكەوە كاری بۆ بكەن، كە ببێتە یەكێك لەجوانترین مۆدەكانی تەسریحە و شێوازەكانی قژ، لەڕێگەی دەست نیشانكردنی ستایلی قژ لەچ جۆرە مۆدە و تەسریحەیەك بێ، ئەمەش هەنگاوی یەكەم دەبێ، هەروەها بۆ هەنگاوی دووەمیش، ئەو جۆرە ڕەنگە هەڵدەبژێرین كە لەگەڵ جۆری قژ و ستایلەكەی گونجاو دەبێ، بۆیەكردن یان ڕەنگكردنی قژ یەكێكە لەهەنگاوە جوانەكان كە سوودێكی گەورەی هەیە لەجوانكردنی قژ، چونكە هەندێك خانمان ڕەنگە لەڕەنگی قژی خۆیان بێزار ببن و ئیتر دەكرێ لەڕەنگێكی دیكەوە قژیان بۆیە بكەن، لەساڵی ڕابردوو مۆدەی قژ ڕەنگكردن یان بۆیە كردن ئەوەندە گرنگی نەبوو، بەڵام لەمۆدە و ستایلی ئەمساڵ، زیاتر مۆدەكە دەردەكەوێتەوە و ڕەنگكردن یەكێك دەبێ لەهەنگاوەكانی جوانكاری بۆ قژ، ئەو ڕەنگانەی زیاتر بایەخی پێدەدرێ لەسەرەتای ئەو ساڵەوە ئەوانەن: سوور – قاوەیی- خەنەیی- زەردی كاڵ – تێكەڵی نێوان ڕەش و قاوەیی.

س / گوڵان

كەرەستەی جوانكاری كوردەواری بەچەندەها ڕێگە و كاری جوانكاری دیزاین و ئامادەكاری بۆ كراوە، ئەمەش وادەكات كە ببێت بەیەكێك لەو ستایلە كۆنانەی كە لەگەڵ سەردەمی پێشوو و ئێستادا بگونجێ، ئەمەش لەئێكسسوار و شێوازەكانی دانانی مۆدەیەكی شایستە و شیاوە تاوەكو لەگەڵ كەلتور و هێماكانی كوردەواری بگونجێ، كڵاوەكانی سەر یان سەروبەست، ئەوانەش دەبن بەیەكێك لەمۆدەی ئێكسسوارەكانی ڕازاندنەوە و گەشاندنەوەی قژی سەری خانمان، بەتایبەت كاتێك لەگەڵ جلی كوردی، یان ئەو جلانەی لەستایلە كوردییەكانەوە نزیكن دەبەسترێت، لەم ڕێگەیەدا دەكرێ جوانییەكی ڕەها بەدی بكەین لەكڵاوەكان و پاشە سەر و سەروبەستەكان، كە لەچەندین دیمەنی جۆراجۆر و ڕازاوە پێكدەهێنرێن و دەبن بەیەكێك لەمۆدە جوانەكان لەستایلی كۆن و تازەی كوردی، كە دەكرێ لەگەڵ سەردەمی ئێستاش بگونجێ و لەبۆنە و یادە تایبەتی و گشتییەكان بپۆشرێن و بەجوانترین مۆدەش كاری خۆیان بەجێ بگەیەنن.

س  گوڵان