|
بڵاوکراوهتهوه له لایهن : بهڕێوبهری گشتی
|
|
چوار شەممە, 08 شوبات 2012 10:04 |
|
 حکومەتی چین لەهەوڵی ئەوە دایە بۆ کەمکردنەوەی هاوردەی نەوت لەئێران پەنا بۆ وەڵاتانی دیکەی خاوەن وزەی نەوت ببات.
هەرچەند بە پێی چەند سەرچاوەیەک بەرپرسانی پەکین لەهەوڵی ئەوەدان لەگەڵ بەرپرسانی ئێران رێکبکەون سەبارەت بە کرینی نەوت بە نرخێکی هەرزانتر.
ئاژانسی رۆژتەرز لە هەواڵکیدا بڵاوی کردەوە لە چەند مانگی رابردوودا حکومەتی چین بە رێژەیەکی زۆر نەوتی لە وەڵاتی سعودیەوە هاوردە کردووە،رۆیتەرز لەزاری سەرچاوەیەک رێکخراوی ئۆپێک بڵاویکردەوە ئاستی هەناردەی بەرهەمی نەوتی سعودیە لەمانگی رابردوو گەیشتە نۆ ملیۆن و حەوت سەد و شەست هەزار بەرمیل لە رۆژێکدا.
لەم رێژەیەش بەشێکی زۆر پشکی چین بووە،چین کە بەدووەمین بەکار هێنەری نەوت لە جیهان هەژمار دەکرێت لە چەند مانگی رابردوو بەڕێژەیەکی زۆر نەوتی لە وەلاتانی رۆژئاوای ئەفریقیا و رووسیا و ئۆسترالیا هاوردە کردووە وەک بەدیل بۆ کەمکردنەوی کرینی نەوت لە ئێران.
پێشتر چین بەرێژەی بیست لەسەد نەوتی لە ئێران هاوردە دەکرد بەلام لەسەرەتای ساڵی نوێوە بەڕێژەی سێسەد هەزار بەرمیل لەم رێژەیە دابەزیوە کە دەکاتە نیوەی ئەو نەوتەی رۆژانە لە ئێران هاوردەی دەکرد.
|
